Nagu Saabsan
Dhiirigelinta iyo dhisidda jiilka soo socda ee xirfadlayaasha Somaliland iyadoo la siinayo tababar farsamo oo tayo sare leh.
Taariikhta HTC oo kooban
HTC waxaa la aasaasay bishii Sebtembar 2021 magaalada Burco, Somaliland, si wax looga qabto shaqo la'aanta dhallinyarada iyo xirfado la'aanta dhinaca gacanta ah ee ka jirtay dadka dhalinyarada ah. Xaruntan waxaa loo sameeyay inay bixiso Waxbarasho iyo Tababar Farsamo (TVET) oo ku salaysan baahida suuqa, kaas oo isku xiraya tababarka iyo fursadaha shaqo ee dhabta ah.
Tan iyo aasaaskeedii, HTC waxay u kortay sidii machad horumarinta xirfadaha kaas oo bixiya tababaro dhinacyada tignoolajiyada baabuurta, rakibaadda korontada, dhuumaha biyaha, rakibaadda tamarta cadceeda, elektaroonigga, harqaanka, dhismaha, iyo qaybaha kale ee farsamada. Xaruntu waxay xoogga saartaa isku-darka casharrada aragtida ah iyo tababarka gacanta si loo diyaariyo barteyaasha inay noqdaan kuwo shaqo heli kara ama iyagu is-shaqaysiin kara.
Campus Tour
Xarunta Halbeeg
Daawo muuqaalka xaruntayada iyo goobaha ay ka dhacaan tababarrada farsamada gacanta.
Hiigsigeenna
Xarunta Halbeeg waxay higsanaysaa inay noqoto hormuud ka bixinta tababarrada xirfadeed iyo iyo aqoonta kale ee muhimka, si loogu guulaysto kobaca dhaqaalaha Somaliland.
Hadafkayaga
Waxaan u taaganahay inaan jiilka cusub ku qalabaynno xirfado wax ku ool ah. Waxaan bixinaa tababarro la xiriira baahida dalka, kuwaas oo loo heli karo si fudud oo jaban.
Wada-shaqayn
Saaxiibada & Wada-shaqaynta
HTC waxa ay tixgalisaa wada-shaqaynta iyo Iskaashiga si loo xoojiyo Tayada Tababarada loona Wanaajiyo Natiijooyinka shaqo ee Xirfadlayaasha Cusub, Iskaashiyada waxa ka mida:
NGOs & Development Partners
Ururrada aan dawliga ahayn iyo Saaxiibada Horumarinta sida Concern Worldwide iyo Candlelight, kuwaas oo taageeray barnaamijyada TVET ee Somaliland iyaga oo maalgeliya isla markaana taageeraya hindisayaasha tababarka xirfadaha.
Local Employers & Industry
Loo-shaqeeyayaasha maxalliga ah iyo warshadaha, halkaas oo HTC ay dhigto tababartayaasha si ay u helaan layli iyo tababar ku dhex jira shaqada, taas oo ka caawinaysa inay helaan khibrad shaqo oo dhab ah.
Government Collaboration
Wada-shaqaynta Dawladda, maadaama HTC ay ku shaqayso aqoonsiga iyo hagidda Wasaaradda Waxbarashada iyo Sayniska ee Somaliland, iyadoo la hubinayo u hoggaansanaanta heerarka TVET ee qaranka.
Community & Private Sector
Xiriirka bulshada iyo qaybaha gaarka ah, kaas oo gacan ka geysta in barnaamijyada tababarka lala waafajiyo baahiyaha suuqa shaqada loona wanaajiyo fursadaha meelaynta shaqada.
Mabaadi'da aasaasiga ah
Mabaadi'da aasaasiga ah
Ballanqaad
Tayo
Xirfadnimo
Daacadnimo
Xushmad
Booqo Xaruntayada
Burco Somaliland - Xaafada Abu Dubai, u dhow Jaamacadda Abaarso Tech